قرآن کی 100 مختصر تعلیمات | اسلامی زندگی کے سنہری اصول

 قرآن کی 100 مختصر تعلیمات | زندگی کے سنہری اصول

قرآن مجید اللہ تعالیٰ کی آخری کتاب ہے جو نہ صرف عبادات کا طریقہ بتاتی ہے بلکہ انسان کی پوری زندگی کے لیے رہنمائی فراہم کرتی ہے۔ اس کتاب میں اخلاقیات، عدل، حقوق، ذمہ داریاں اور انسانیت کے اصول بیان کیے گئے ہیں۔ یہی وجہ ہے کہ قرآن مجید کو "ضابطۂ حیات" کہا جاتا ہے۔

آج کے دور میں جب انسان مختلف مسائل اور پریشانیوں میں گھرا ہوا ہے، قرآن ہی وہ روشنی ہے جو سیدھا راستہ دکھاتی ہے۔ ذیل میں قرآن کی 100 مختصر اور جامع تعلیمات بیان کی جا رہی ہیں جو ایک مسلمان کو بہتر انسان اور کامیاب بندۂ مومن بنا سکتی ہیں۔

قرآن کی 100 مختصر تعلیمات

1۔ گفتگو کے دوران بدتمیزی نہ کیا کرو۔

2۔ غصے کو قابو میں رکھو۔

3۔ دوسروں کے ساتھ بھلائی کرو۔

4۔ تکبر نہ کرو۔

5۔ دوسروں کی غلطیاں معاف کر دیا کرو۔

6۔ لوگوں کے ساتھ آہستہ بولا کرو۔

7۔ اپنی آواز نیچی رکھا کرو۔

8۔ دوسروں کا مذاق نہ اڑایا کرو۔

9۔ والدین کی خدمت کیا کرو۔

10۔ والدین کی توہین کا ایک لفظ نہ نکالو۔

11۔ سود نہ کھاؤ۔

12۔ حساب لکھ لیا کرو۔

13۔ کسی کی اندھا دھند تقلید نہ کرو۔

14۔ بدگمانی سے بچو۔

15۔ غیبت نہ کرو۔

16۔ رشوت نہ لو۔

17۔ وعدہ نہ توڑو۔

18۔ دوسروں پر اعتماد کیا کرو۔

19۔ سچ میں جھوٹ نہ ملایا کرو۔

20۔ لوگوں کے درمیان انصاف قائم کیا کرو۔

21۔ انصاف کے لیے مضبوطی سے کھڑے ہو جایا کرو۔

22۔ مرنے والوں کی دولت خاندان کے تمام ارکان میں تقسیم کیا کرو۔

23۔ خواتین بھی وراثت میں حصہ دار ہیں۔

24۔ یتیموں کی جائیداد پر قبضہ نہ کرو۔

25۔ یتیموں کی حفاظت کرو۔

26۔ دوسروں کا مال بلا ضرورت خرچ نہ کرو۔

27۔ لوگوں کے درمیان صلح کراؤ۔

28۔ اگر مقروض مشکل وقت سے گزر رہا ہو تو اسے مزید وقت دے دو۔

29۔ والدین کی اجازت کے بغیر ان کے کمرے میں داخل نہ ہوا کرو۔

30۔ جاسوسی نہ کرو۔

31۔ خیرات کیا کرو۔

32۔ غرباء کو کھانا کھلایا کرو۔

33۔ ضرورت مندوں کو تلاش کر کے ان کی مدد کیا کرو۔

34۔ فضول خرچی نہ کیا کرو۔

35۔ خیرات کر کے جتلایا نہ کرو۔

36۔ مہمانوں کی عزت کیا کرو۔

37۔ نیکی پہلے خود کرو اور پھر دوسروں کو تلقین کرو۔

38۔ زمین پر برائی نہ پھیلایا کرو۔

39۔ لوگوں کو مسجدوں میں داخلے سے نہ روکو۔

40۔ صرف ان کے ساتھ لڑو جو تمہارے ساتھ لڑیں۔

41۔ جنگ کے دوران آداب کا خیال رکھو۔

42۔ جنگ کے دوران پیٹھ نہ دکھاؤ۔

43۔ مذہب میں کوئی سختی نہیں۔

44۔ تمام انبیاء پر ایمان لاؤ۔

45۔ حیض کے دنوں میں مباشرت نہ کرو۔

46۔ بچوں کو دو سال تک ماں کا دودھ پلاؤ۔

47۔ جنسی بدکاری سے بچو۔

48۔ حکمرانوں کو میرٹ پر منتخب کرو۔

49۔ کسی پر اس کی ہمت سے زیادہ بوجھ نہ ڈالو۔

50۔ نفاق سے بچو۔

51۔ کائنات کی تخلیق پر غور کرو۔

52۔ عورتیں اور مرد اپنے اعمال کا برابر حصہ پائیں گے۔

53۔ ممنوعہ رشتوں میں شادی نہ کرو۔

54۔ مرد کو خاندان کا سربراہ ہونا چاہیے۔

55۔ بخیل نہ بنو۔

56۔ حسد نہ کرو۔

57۔ ایک دوسرے کو قتل نہ کرو۔

58۔ فریب کی وکالت نہ کرو۔

59۔ گناہ اور ظلم میں تعاون نہ کرو۔

60۔ نیکی میں ایک دوسرے کی مدد کرو۔

61۔ اکثریت سچ کی کسوٹی نہیں۔

62۔ صحیح راستے پر رہو۔

63۔ جرائم کی سزا دے کر مثال قائم کرو۔

64۔ گناہ کے خلاف جدوجہد کرتے رہو۔

65۔ مردہ جانور، خون اور سور کا گوشت حرام ہے۔

66۔ شراب اور منشیات سے پرہیز کرو۔

67۔ جواء نہ کھیلو۔

68۔ ہیرا پھیری نہ کرو۔

69۔ چغلی نہ کھاؤ۔

70۔ کھاؤ اور پیو لیکن اصراف نہ کرو۔

71۔ نماز کے وقت اچھے کپڑے پہنو۔

72۔ جو پناہ مانگے اس کی حفاظت کرو۔

73۔ طہارت قائم رکھو۔

74۔ اللہ کی رحمت سے مایوس نہ ہو۔

75۔ اللہ نادانستہ غلطیاں معاف کرتا ہے۔

76۔ لوگوں کو دانائی سے اللہ کی طرف بلاؤ۔

77۔ کوئی کسی کے گناہوں کا بوجھ نہیں اٹھائے گا۔

78۔ غربت کے خوف سے بچوں کو قتل نہ کرو۔

79۔ جس کا علم نہ ہو اس کا پیچھا نہ کرو۔

80۔ پوشیدہ باتوں میں نہ پڑو۔

81۔ اجازت کے بغیر دوسروں کے گھروں میں داخل نہ ہو۔

82۔ اللہ ایمان والوں کی حفاظت کرتا ہے۔

83۔ زمین پر عاجزی سے چلو۔

84۔ دنیا میں اپنا فرض پورا کر کے جاؤ۔

85۔ اللہ کے ساتھ کسی کو شریک نہ کرو۔

86۔ ہم جنس پرستی میں نہ پڑو۔

87۔ سچ کا ساتھ دو۔

88۔ زمین پر اکڑ کر نہ چلو۔

89۔ عورتیں اپنی زینت کی نمائش نہ کریں۔

90۔ اللہ شرک کے سوا سب گناہ معاف کر دیتا ہے۔

91۔ اللہ کی رحمت سے مایوس نہ ہو۔

92۔ برائی کو اچھائی سے ختم کرو۔

93۔ فیصلے مشاورت سے کرو۔

94۔ سب سے زیادہ عزت والا وہ ہے جو پرہیزگار ہے۔

95۔ مذہب میں رہبانیت نہیں۔

96۔ اللہ علم والوں کو مقدم رکھتا ہے۔

97۔ غیر مسلموں کے ساتھ مہربانی کرو۔

98۔ لالچ سے بچو۔

99۔ اللہ سے معافی مانگو۔

100۔ جو سوال کرے اسے انکار نہ کرو۔

اختتامیہ

یہ 100 مختصر تعلیمات قرآن کا نچوڑ ہیں۔ ان پر عمل کر کے ایک فرد اپنی ذات کو سنوار سکتا ہے، خاندان کو مضبوط بنا سکتا ہے اور معاشرے کو ایک مثالی معاشرہ بنا سکتا ہے۔ قرآن ہمیں صرف عبادت کا نہیں بلکہ زندگی کے ہر شعبے میں کامیابی کا راستہ دکھاتا ہے۔

اللہ ہمیں قرآن کو سمجھنے اور اس کی تعلیمات پر عمل کرنے کی توفیق عطا فرمائے۔ آمین۔