خوبصورت الفاظ اور خوشحال زندگی

ہمیں کوئی بھی خوبصورت لفظ کہا جائے تو ہم بیس سال جوان محسوس کرتے ہیں،

لیکن جب کوئی تکلیف دہ بات سنائی جائے تو ایسا لگتا ہے جیسے ہم ہزار سال کے بوجھ تلے دب گئے ہوں۔

غلط ہے وہ جو یہ سمجھتا ہے کہ باتیں بس یونہی کہی اور سنی جاتی ہیں۔

باتیں گولی کی مانند ہیں؛ جو دل کو مار ڈالتی ہیں، لیکن قانون انہیں سزا نہیں دیتا۔

اصل میں دلوں کو زندہ رکھنے والی چیزیں ہیں:

مہربان الفاظ

نرمی اور محبت

شکر گزاری کا اظہار

اچانک کی گئی تعریفیں

انسان بہت نازک مخلوق ہے۔

ایک مہربان بات اسے آسمان کی بلندیوں تک لے جا سکتی ہے،

اور ایک تلخ جملہ اسے زمین پر گرا کر زندہ ہوتے ہوئے بھی دل سے مار سکتا ہے۔

جس طرح خوشحال ملک وہ ہوتا ہے جو درآمدات پر انحصار نہ کرے،

اسی طرح خوشحال انسان وہ ہے جو اپنی ذات میں مکمل ہو۔

اس کے اندرونی وسائل اس کی زندگی کو بھرپور بناتے ہیں۔

وہ دوسروں سے صرف دلجوئی کی حد تک توقع رکھتا ہے۔

اسے یقین ہوتا ہے کہ بیرونی ذرائع پر انحصار انسان کو غلام بنا دیتا ہے۔

وہ جانتا ہے کہ اصل سکون اور معیار اندرونی صلاحیتوں سے آتا ہے۔

کسی کا دن خراب کر کے اپنا دن اچھا مت بنائیں۔

ایسے سوالات نہ کریں جن سے دوسرا ڈسٹرب ہو جائے۔

کسی کی دکھتی رگ پر ہاتھ نہ رکھیں، یہ کم ظرفی ہے۔

طنز نہ کریں۔

دوسروں کی ذاتی زندگی کو غیر ضروری طور پر مت کریدیں۔

مسکرائیں اور خوشیاں بانٹیں

لوگوں سے حال چال پوچھیں، ہنسیں، مسکرائیں اور انہیں بھی مسکراتا ہوا چھوڑیں۔

خوش رہیں، خوشیاں بانٹیں، اور ربِ کریم کی رحمتوں کے سائے میں جئیں۔